Atdheu

Haxhi MUHAXHERI

ATDHEU

Është oqean i vogël 
i trazimit të madh
ku bien heronjtë

Tokë e pushtuar
nga magjia e shkretirës
ku vritet ëndrra e Gjergjit

Është vend prostitutash
veshur me ngjyrat e flamurit
ku lindin kopila që shesin veten

Luadh gomerësh
a mal ujqërish të uritur
që e kafshojnë tinëz Lirinë

Atdheu – 
është plagë zemre 
që po rritet... rritet... e rritet...

4 shkurt 2018