Freitag, 19. Januar 2018

Liri dhe dashuri

Haxhi Muhaxheri

LIRI DHE DASHURI

Liri është – përnjëmend Liri
Kur djeg rrobat e turpit
e nga maja e Kullës së Babelit
botën e shikon lakuriq!

Guxim e Liri zemre është
ta vrasësh frikën –
edhe para Zotit 
dhe lirshëm të thuash:
– Perëndeshë… të dua!
    
Dashuri është edhe Liria 
kur mbi gjoksin e të dashurës,
me maje gjuhe –
vizaton hartën e atdheut!

Liri... o sa Liri është 
kur ndonjëherë – 
bash për pikën e qejfit
e me lezet shpirti
i thua edhe gruas – ik!

Dhjetor 2017

Donnerstag, 18. Januar 2018

Ajo nuk i do gjërat e vogla

Haxhi Muhaxheri

AJO NUK I DO GJËRAT E VOGLA

Ajo nuk i do gjërat e vogla imtësitë
se t‘mëdha i ka ndjenjat bardhësitë

Të madhe e do edhe shtëpinë
me shtrat të gjerë perandorak
dritare të hapura pëplot me dritë
e burrin vigan bash si perënditë

Eta është krejt botë n’vete
E n’shpirt i mban të gjitha mirësitë
dimension i panjohur lirie është ajo
e çilter madheshtore si republikë

Ajo nuk i do gjërat e vogla imtësitë
Është vet Perendeshë që shndrit

8 janar 2018

Sonntag, 14. Januar 2018

Shkelja e kufijve

Haxhi Muhaxheri

SHKELJA E KUFIJVE

Në Ishullin Erta – ka nisë dimër i madh
Shpirtit përditë i shtohen akullnajat
E ëndrrat i merr kolla e thatë

Atje – përveç të zezës
Të gjitha ngjyrave u rënë pika
E tash – nuk këndohen serenada
As lule u jepen perëndeshave

Në atë ishull të shkretë – ku magjia shëmton
Më nuk bëhet seks – as dashuri – si dikur
Se orgazma përjetohet krejt ndryshe

Atje – njerëzit shkërdhehen me numrat
Teoremën e Pitagorës - Kodin e Davinçit...
Orë e çast shkelin kufinjtë e ndaluar
E zotit – duan t’ja vjedhin fuqinë

Thonë se atje – nuk do të zbardh më dita
Thonë se atje – do të përseritet Atlantida

13 janar 2018

Samstag, 6. Januar 2018

Sëmbim

Haxhi Muhaxheri

SËMBIM

Ç'magji më ka zën
As dreqi e di
Edhe kur bashkë jemi
Mungon përseri

Një sëmbim në shpirt
Mëndet seç mi luan
Një ndjenjë e zezë kobi
Ëndërrën po ma shuan

06. 01. 2018

Shkronja e shtatë

Haxhi Muhaxheri

SHKRONJA E SHTATË

Gjithë të mirat që jeta më dha
mbanin shkronjën e shtatë te alfabetit
Me shkronjën e shtatë

më buzqeshnin ëndrrat
                                 fjalët
                                         këngët…
e shpirti ia vidhte ngrohtësinë diellit
Me atë shkronjë të shenjtë
isha i pari i botës
engjujt loznin valle rreth meje

Në një ditë të trisht
lënduar e kam
              he vrafsha veten!
Ajo
   mori trajtë tjetër
          dhe mbeta një hiç
                         unë i mjeri

Eeeeeeeeeeeeeeeeeee…
             Ëëëëëëëëëëëëëëëëëëëëë!

Sonte mos më kërkoni

Haxhi Muhaxheri

SONTE MOS MË KËRKONI


Kot më kërkoni sonte
Ju o miq të krisur
Se kam një luftë për ta nisur
E një beteje për ta udhëhequr
Me shtatë plagë në trup
Si Gjergj Elez Alia dikur

Sonte 
Mendjen e kam bërë një
Thellë e më thellë
Do të gërmoj
Minierave të atdheut
Në kërkim 
Të thesarëve të humbura
E në vetull
Do ta puth vdekjen

Sonte
Të gjitha medaljet 
Kam për ti dorzuar
Në shtrat
Dhe një nga një
Do ti mjekoj plagët
Qe të mbledh forcat

E tevona
Do zhytem 
Në bunarin
Që fundi 
Kurrë nuk i është gjetur
Për të kërkuar
Trupat e miqëve të mi

Aty është mbytur Rizai
Aty është fundosur Hasani 
Oi...medet... oiiiiiih...
Dikush mallkuar na ka
Dikush tinëz na vret

Ku dreqin mbete 
E dashura ime
Ndiz oxhakun të lutem
Se është ftohur dhoma
E gjakun duhet ngrohur

Sonte... O sonte betuar jam 
Ne kokën time e tuajen
Se do të luftoj 
Deri n'fishekun e fundit
Për të rën pastaj me nder
Në log të mejdanit

17 dhjetor 2017


Dje isha mbret

Haxhi Muhaxheri

DJE ISHA MBRET

Dje 
Perënditë kanë folur 
Me një gjuhë
E në pëllëmbë të dorës
Më ka ardhur dielli

Dje
Pash lindjen time
Në mes të parajsës
E në shpirt
Më mbiu një lule

Dje
Një puthje
Ngrohu planetin
E zoti e bekoj
Dashurinë

Dje
Emër mori
Një këngë e re
Që askush
Nuk ia di fundin

Dje
Kanë pushuar
Të gjitha luftërat
Se paqja zuri vend
Në zemrat tona

Dje
Dehur më ka
Opiumi i buzëve
E gjumi më zuri
Për shtatë palë qejfe

Dje
Oh... dje isha mbret
E botën sjellur e kam
Në maje të gishtit
Lum unë i lumi

28 dhjetor 2017

Mallkimi

Haxhi Muhaxheri

MALLKIMI

Dikush duhet ikur 
shpirtat të qetësohen,
një ëndërr të vritet
e tjetra t'jetohet !

Ky ëshë një mallkim
që na përcjell n'jetë,
për të lindur njëri
tjetri duhet vdekë !

29.12.2017

Mos e lëndo fjalën

Haxhi Muhaxheri

MOS E LËNDO FJALËN

Mos e humb buzëqeshjën
edhe para dallgëve

Mos e ler të dashurën
të çmëndet në pritje

Mos i mallko yjet
as kur Etën e zë gripi
e të vret trishtimi

Mos e thur këngën
po nuk pati zë
edhe mes gurit e tokës

Oh mos... 
mos të lutem mos
mos e lëndo fjalën
se verbohet muza
e vajtojnë lirikat
aman...


Mallkim

Haxhi Muhaxheri

MALLKIM

Ti përditë e ndërroje nga një emër
Qe ti fshihje gjurmët e krimit
E mallkimit ti shpëtoje

Ti kobin ia sillje sh‘pisë
E gjakun e t‘parëve përbuzje
Se shpirtin shitur ia kishe djallit

Ti kudo mbillje sall trishtim e vdekje
E diellin doje t’ja vrisje atdheut
Kur qiellit këndonin sorrëzezat

Heu... mos paç kurrë bukë në sofër!
Heu... kurrë mos t'leftë djal në votër!

Heu... kristë një pushkë e t‘marrtë bri për bri!
Heu...n’dakik t’dekës mos paç ujë me pi!

Kreshniku i Lirisë

Haxhi Muhaxheri

Haxhi MUHAXHERI

KRESHNIKU I LIRISË
/ Ismet Jashari /

Thonë se lindur kish me fletë
Thonë se zihej me rrufetë

Thonë se zbriste nga qielli
Sa herë errej dielli
E kur moti prishej në Arbëri 
Ai vriste nga një bajloz të zi

Komandat e thërrisnin
Veten e quante ushtar
Thonë se n’log të mejdanit
Gjithmonë ishte i parë

Thonë se vinta nga legjendat
Kreshnik (I)lirie
Thonë ishte shqiponjë Orizare
E Lis i madh Shqiptarie

03.01.2018
______
Orizare - Fshati i lindjës së heroit

Freitag, 5. Januar 2018

Përmbytja

Haxhi Muhaxheri

PËRMBYTJA

Më falë Perëndesha ime
mbrëmë nuk të thash se të dua
e Ishulli Eta është përmbytur
nga Lumi i Lotëve

Urithët 
çarë e kishin argjinaturën
medet...

04.01.2018

Mortis Amoris


 Haxhi MUHAXHERI

MORTIS AMORIS

Veten harruar e kemi
Duke i dashur të tjerët
Lum miku
Tash rrugën e gabojmë
Edhe në mes të oborrit
E aureola radioaktive
Sillet mbi kokat tona

Sonte n'mesnatë
Do të udhëtoj
Drejt Ishullit të Vetmisë
Atje ku dëgjohën
Sall këngët e vajtimit

Sonte
Do ti fshijë
Të gjitha adresat
E të zhdukem
Të zhdukem
Të zhdukem
Lagjes së të Marrëve
Ku askush t’mos më gjej
Dhe n’kulmin e zhgënjimit
T’fundosëm n’Liqenin e Lotëve

Sonte... Oh sonte...
Diellit do i bien mustaqet
Hëna flokët ka për ti shkulur
Se një yll do të shuhet
E muza veten do ta vrasë 
Dhe kurrë më nuk do të shkruhen 
Lirika dashurie e as melodi malli

E dashur
Ti bëj gjumë të rehatshëm
Se asgjë nuk do të mungoj
Asgjë nuk do të mirret vesh
Hamshorë do të ketë gjithandej
Veç mashtrimit do ti grisen rrobat
E dashuria do të verbohet 
N'frymën e saj t'fundit
________________________
*Kjo poezi është vlersuar me çmimin e parë 
në konkursin "Sofra poetike e Drenicës" në vitin 1995

Sa herë ti më shkruan

Haxhi Muhaxheri

SA HERË TI MË SHKRUAN

Sa herë Ti më shkruan 
N‘shpirt më sjell qetësi
Yjet lozin valle
Veç për ne të dy

Pastaj kur më flet 
Nis e çel qërshia
Dhe mbi çati zemre
Këndojnë shtatë bilbila 

E kur Ti më vjen
Sikur ma hap qiellin
Bien shtatë daulle
E hëna puth diellin

Kur më puth në buzë
Shkrihet edhe bora
Sakaq del pranvera
Çel dhe lule vjollca

05.01.2017

Montag, 1. Januar 2018

Kënga e shkruar mbi gjethe dafine

Haxhi Muhaxheri

KËNGA E SHKRUAR MBI GJETHE DAFINE

Kaluan disa ditë qe s’jemi parë e dashur
E sytë m’janë ç’akorduar për mungesë gjumi
Në shthurje ndjenjash frymë mori vetmia
E n’ishullin e shkretë u luajt simfonia e heshtjes

N’mëngjesin e parë kur natën e përzuri drita
Shiu mbi dritare vallëzonte n’përqafim me erën
Një hajn i pa shpirt dikujt ia vidhte vargjet
Veç për ta sjell n’ëndërrën e tij pranverën

Misteret e Universit më varëshin rreth qafe
Fjalët përdridheshin dimensioneve të mendjes
Kur n’planetin Eta bekimi ju dha kësaj stine
E kënga për ty u shkrua mbi gjethe dafine

1 janar 2018